على على طريق الحب،، صارت حكايات
وماتت على نفس الطريق ، الآماني
كل ماطرالي ، عشقنا فالبدايـــــات ،!
جلست أردد ،، حلهــا يازمــــــاني
الشوق شمعه ،، والمواصل أضآءات
والحب لهفه ،، والمشاعر أغاني
والصدق نادر ،، في زمان المتاهات
والكذب حاظر ،، والمواجع مواني
تدري وش أسباب الغدر ،، والخيانات ؟؟
غياب شرط التضحيه والتفــاني
طبعي كذا ،، ماحب جرح النهايات
واللي نساني ،، ذنبه أنه نساني
تربطني مع بعض الآوادم ، علاقات
وبعض الآوادم ،، ماقربه لو بغاني
على كثر صدمات قلبي ، والآهات
أطيح واقف ،، وأبتسم لو أعاني
أمشي على مبدأ ،، وعندي قناعات
مال البشر منـّـه ،، أذا الله عطاني
وأستصغر أهل الحقد ،، وأهل الوشايات
ومن سَــبـّني ،، ماهز والله كياني
وان جات في ظهري ،، مع الوقت طعنات ؟
هذا دليل أني ،، فالاول مكــــاني
مايجتمع فالوقت ، حـُـب وخلافات
وأكبر دليل ،، أللي هواني جفاني
دايم يجي ، قبل المفارق علامات
علمني أللي فالمحبه كــــواني
مدام نسياني ،، يكلفك ساعات ؟؟
أنا لاجيت أنساك ، أنسى بثواني
خلاص واللي فات ، ياصاحبي مات
أصبحت في عيني ، مجرد أناني
أبختصرها لك ، في أربع عبارات
( تركتني ) ( وشوهت ) ( كل ) ( المعاني )
