مشتاق الهلي وتعبت من الغربة وكثر الغياب
مشتاق ارجع اشوف امي وابوية وهلي والأحباب
مشتاق اسمع سوالف هلي والاصحاب
بس ارجع اضوك الماي واشم ريح الهوة البغداد هاب
وشوف ضوة الفجر وظلام الليل وابوس التراب
مشتاق ارجع البغداد بيتي وادك على امي الباب
مشتاق الايامي الحلوة بيهة من جنت طالب من الطلاب
ومن جنت اكعد بمدرستي واشيل بيدي الكتاب
اني من اطلعت غصب عني ولهجرتي اسباب
ما اكلكم اني اطلعت من روحي بغداد بلا سبب واصير جذاب
من طلعت منهة بيوم لحكتني المنية وجان عدهم علية حساب
اني العراقي ابن العراقي وما فكرت بيوم بالأنساب
اطلع الفجر من العراق مطرود وطاردي سلاب
خيروني بين المنية و الهجرة ,وماسميهة اني هجرة اسميهة عذاب
اني راجع اليوم وراضي بالعراق شلون ما جان حتى لو صار كراب
راجع حتى لو خطفوني وعذبوني بمحراب
انة ارد ارجع البغداد حتى لو الموت يمهة بيا صاب
وارد قبل ما ويكلون خطية هذا من الغربة شعرة شاب
اني عندي الموت ابغداد عرسي و فدوة يروحلها دمي والعمروالشباب
اني راجع اليوم و فدوة يروحلها دمي وعمري وكل الشباب
ادعوا ان يفرج الله عن العراق و العراقيين
